У артыкуле здзейснена спроба сістэматызаваць рэдактарскі вопыт аўтара і погляды даследчыкаў на культуру вучэбнага выдання па беларускай мове. Устаноўлены адрозненні паняццяў «кніжная культура» і «культура кнігі». Акрэслены праблемы падрыхтоўкі электронных вучэбных выданняў, мэтазгоднасці іх стварэння і захавання аўтарскага права. Адзначаны актуальныя складнікі вучэбнай кнігі: выбар рэпертуару, узровень выканання рэдакцыйна-выдавецкіх працэсаў, творчае прымяненне стандартаў, мастацка-тэхнічнае канструяванне выдання. Зроблена выснова, што культура беларускай вучэбнай кнігі - важны паказчык культуры сучаснага грамадства. Каб захаваць традыцыі нацыянальнага кнігадрукавання, важна вывучаць вопыт папярэднікаў.
