Вучэбны дапаможнік знаёміць з паняццем тэксту, задачамі лінгвістычнага аналізу, рознымі падыходамі да тэксту, яго важнейшымі катэгорыямі і характарыстыкамі, функцыянальна-сэнсавымі і функцыянальна-стылістычнымі тыпамі. Асаблівая ўвага звернута на выяўленчую выразнасць тэксту, якая разглядаецца ў дапаможніку на розных моўных узроўнях, у сувязі з чым выдзяляюцца гукавыя, лексічныя, лексіка-семантычныя, словаўтваральныя і сінтаксічныя сродкі стварэння выяўленчай выразнасці, акрэсліваюцца іх тыпы і віды, вызначаецца вобразная роля і стылістычная функцыя ў кантэксце.
Важнейшыя тэарэтычныя палажэнні ў дапаможніку ілюструюцца шматлікімі прыкладамі з мастацкай і публіцыстычнай літаратуры.
Дапаможнік адрасуецца студэнтам філалагічных спецыяльнасцей вну дзённай і завочнай форм навучання, настаўнікам, навучэнцам гімназій, вучням сярэдніх агульнаадукацыйных школ.
