У артыкуле на асобных прыкладах з гісторыі Старажытнай Грэцыі і Рыма (Мегарская псефізма, сітуацыя вакол астравоў Радос і Дэлас) аналізуецца праблема выкарыстання эканамічных сродкаў вядзення ваенных дзеянняў у Старажытным Свеце. Падкрэслена, што ў Старажытны перыяд асобныя ваенныя кампаніі распрацоўваліся ў спалучэнні неваенных эканамічных і ваенных метадаў. Гэта часта прыводзіла да хутчэйшай і спусташальнай перамогі над супраціўнікам. Пазначана, што мадэлі эканамічнай вайны альбо яе элементы актыўна выкарыстоўваліся ў разглядаемы перыяд. Робіцца выснова, што гістарычны досвед прымянення эканамічных метадаў вядзення ваенных дзеянняў актыўна і шырока выкарыстоўваецца і сёння, што патрабуе ад сучаснай дзяржавы мацаваць эканамічную бяспеку як падмурак агульнай абароназдольнасці і бяспекі.
