Беларускае барока, адметны варыянт еўрапейскага, мела значныя мастацкія каштоўнасці. Дзякуючы спалучэнню кніжных і фальклорных традыцый, барока стымулявала на Беларусі пераход да новай літаратуры. Па сутнасці, гэта быў першы агульнанацыянальны стыль, бо ён ахопліваў ўсе класы і саслоўі таго часу, усе віды беларускай культуры. З’явіліся новыя віды і жанры мастацкай вытворчасці. Адкрыўся больш шырокі погляд на свет і чалавека. Веданне гэтага спрыяе развіццю лінгвакультуразнаўчай кампетэнцыі, пашырэнню кругагляду будучых спецыялістаў.
