У інтэрнэт-прасторы даволі часта сустракаецца выслоўе першадрукара “Понеже…”, узнікаюць праблемы з атрыбуцыяй асобных цытат, якія прыпісваюцца беларускаму асветніку. Пэўныя ўрыўкі з перастварэнняў А. Разанава прадстаўлены, як творчасць Ф. Скарыны. Бытаванне цытат ў інтэрнэце правакуе некаторыя выклікі: 1) масавае скажэнне ўяўлення пра творчую спадчыну пісьменніка; 2) парушэнне аўтарскай волі; 3) прасоўванне фрагментаў тэксту, якія патрабуюць каментарыяў; 4) адаптацыя старажытных твораў згодна з сучаснымі ўстаноўкамі і ўяўленнямі; 5) стварэнне неаўтарскіх канатацый; 6) увядзенне і папулярызацыя псеўдацытат.
